Subling nanumpa sa katungdanan si Datu Alex D. Payangga isip Municipal Indigenous People Mandatory Representative (IPMR) sa Manolo Fortich. Nanumpa kini sulod sa buhatan ni Municipal Mayor Rogelio N. Quiño, kagahapon sa buntag.
Kini na ang ikaduhang termino ni Datu Payangga kinsa nagsugod sa iyang pangatungdanan tuig 2019 ilawom sa pagdumala ni kanhi Mayor ug karon Bise Gobernador sa lalawigan sa Bukidnon Hon. Clive D. Quiño.
Subli kini nga niagi sa selection process kauban ang Sangguniang Bayan members, presentasyon ug ratipikasyon sa mga dokumento ug ang National Commission on Indigenous Peoples (NCIP) nga ni-validate niini kauban ang pagtabang sa Department of Interior and Local Government (DILG).
Kanunay naglantaw si Datu Payangga nga magsilbing tingog sa kinatibuk-ang mulo sa Indigenous Cultural Communities/Indigenous Peoples (ICCs/Ips) sa lungsod.
Facebook Comments
