88 ka mga barangay sa probinsya sang Iloilo ang na-identify sang Iloilo Provincial Police Office nga nalakip sa category 1, 2 kag 3 sa Election Watchlist Areas (EWAS).
Suno kay IPPO Director PSSupt Marlon Tayaba nagakahulugan nga may intense political rivalry kag election related violence sa mga barangay nga nalakip sa category 1.
Samtang ang mga barangay nga nalakip sa category 2 amo ang mga lugar nga kabahin sang mga high risks municipalities ukon ang mga may presensya sang CPP-NPA kag ang category 3 ang kombinasyon sang category 1 kag 2 .
Dugang pa ni Tayaba nga madamo sang mga lugar sa Calinog kag Lambunao ang nalakip sa nasambit nga mga kategorya .
Ginpasiguro naman ni Tayaba nga hugot nila nga ginamonitor ang mga identified barangays agud masiguro ang kalinong kag katawhay sa lugar samtang nagahilapit ang barangay kag sangguniang kabataan elections.
