Davao City – Muarangkada na karong adlawa ang Kasamang Yano Sports Festival 2018 mahitabo sa University of the Philippines (USEP-Mintal) Campus.
Pagasugdan na ang duha ka adlaw nga aktibidad pinaagi sa parada gikan sa USEP Mintal Campus agi sa Tapay St, dayon Rosal St, liko sa Azucena St paingon sa Lantaya St. ug pabalik sa USEP Mintal Campus.
Tumong nga malikay ang mga kabatan-onan sa di maayong bisyo sama sa pagkalambigit sa ginadiling droga, adunay kini tema nga ‘Kabataan ilikay sa droga, isports pakusgan ta.’
Subay niini, adunay lima ka mga cluster sa mga estudyante ang magtigiay sa managlahing paugnat sa kusog nga mao ang Ministry, Socio-Civic, Culture & Arts, Academic and Inter-frat ug Pamulaan Society.
Tambongan usab ang maong aktibidad sa Philippine Drug Enforcement Agency (PDEA-XI) kinsa maghatag og saktong kaalam ug giya ngadto sa kabatan-onan kabahin sa iligal nga droga ug sa mga di maayong epekto niini sa kinabuhi sa usa ka indibidwal.
RadyoMaN Jason Amisola
