IRA reduction gibatukan

22

Davao City – Gialmahan ni Island Garden City of Samal (IGACOS) Vice Mayor Orlando Amit ang plano sa mga economic managers ni Pres. Rodrigo Duterte nga kaltasan ang Internal Revenue Allotment (IRA) sa mga Local Government Units (LGUs).

Matud ni Amit, dili maayo ang laraw sa mga economic managers kay magpaguba kini sa maayong imahe ni. Duterte ngadto sa mga LGU.

Ang planong pagkaltas sa IRA alang dugang pondo alang sa mga programa ug mga proyekto nga gipatuman sa administrasyong Duterte ubos sa unom ka tuig nga Build, Build, Build Program.

Gisukmatan pa ni Amit ang mga economic managers nganong misukwahi sila sa tinguha sa gobyerno nga pakusgan ug palig-onon ang mga lokalidad.

Gipunto pa sa bise mayor nga supak sa kamanduan sa korte suprema sa 40/60 nga kibrahan ang IRA diin ang masakripisyo mao ang mga program ug mga proyekto sa matag lokalidad.

Ugali paakon ni Pangulong Duterte ang plano sa iyang mga economic managers mapugos matud pa ang mga lokalidad sama sa samal nga mudangop sa korte suprema aron kwestiyonon ang mao nga lakang.

Apan kumpiyansa si Amit nga dili kaya isakripisyo ni Duterte ang kaugmaon sa mga LGUs hilabi na nga ginaduso niini ang Federalismo sa nasud.

RadyoMaN Joel Viray

Facebook Comments