Labaw sa PRO12, giangkong sagad sa mga kabataan ang target sa illegal nga droga

21

General Santos City— Giangkon ni Police Chief Superintendent Marcelo Morales, Regional Director sa Police Regional Office 12 nga sagad gyud sa mga kabataan ang mga inahimong target sa illegal nga droga ug terorismo rason nga ilahang gipahigayon ang programang Kabataan Kontra Droga At Terorismo nga adunay tema nga Kilos Kabataan, Ikaw Ang Pag-Asa.
Tumong niini aron nga masayran sa mga kabataan ang ilahang mamahimong tabang sa kumyunidad pinaagi sa paglikay sa illegal nga droga ug magpakabana batok terorismo.
Dugang pamahayag ni Chief Superintendent Morales nga gibana-banaang mukabat sa 2mil nga mga kabataan gikan sa dakbayan sa Gensan ang mitambong sa maong aktibidad gikan sa elementary gadto na sa college.
Kalabot niini, giplanuhan na usab sa regional office sa kapulisan nga human ang malampusong launching kagahapong adlawa sa dakbayan sa maong programa, himuon usab kini sa tibuok rehiyon.
Saysay pa niini nga sagad gyud sa mga kabataan sa karon nga nahilambigit na sa illegal nga droga sama sa pagpamaligya ug paggamitan rason nga higayon nga matudluan sila ug sakto pinaagi sa paghatag ug impormasyon, dako ang ilahang mamahimong tabang sa kumyunidad.
Personal man usab kining gitambungan ni Senator Manny Pacquiao isip speaker kung asa iyahang gipahinumduman ang mga kabtaan nga dili gyud musulod sa illegal nga driga gumikan mausik lang ang ilahang kaugmaon kung asa adunay daghang pangandoy ang gobyerno alang kanila rason nga mas gipakusgan ang kampanya batok illegal nga droga.

Facebook Comments