General Santos City— Nailhan na ang patay’g lawas sa usa ka foreign national nga apil sa mga namatay sa gihimong tulo ka adlaw nga focus military operation sa 6th Infantry Division sa Maguindanao batok sa teroristang Bangsamoro Islamic Freedom Fighters kon BIFF.
Sumala kang Major General Cirilito Sobejana, commanding officer sa 6th Infantry Divison nga usa ka Iraqi National ang nasangpit nga nailang si Adbul Racman.
Subay sa ilahang gihimo nga imbestigasyon si Racman ang nakasulod sa nasud ayha nahitabo ang kagubot sa Marawi ug kini maoy nagtudlo sa idolohiya sa ISIS.
Dugang pamahayag ni MGen Sobejana nga si Racman ang usa sa mga nagahimuan ug bomba para sa grupo sa BIFF ug dili matud pa imposible nga aduna usab kini koneksyon sa grupo sa Maute-ISIS.
Aduna matud pay posibilidad nga natudluan na ni racman ang iyahang mga kaubanan sa paghimo ug bomba kung asa aduna silay ubay-ubay nga mga narekober nga IED components.
Samtang padayon ang ilahang ginahimo nga pagsuta sa teroristang si Mauya nga kauban ni Marwan gumikan sa karon wala pa silay narekoner nga lawas ni Mauya apan anaa matud pa kini sa area dihang gilusad nila ang operasyon.
