Davao City – Naabtan pa ni Trina Duran ang iro nga nagtyabaw samtang giingong gisunog kini nga buhi didto sa may Tahimik Avenue, Matina, Davao City.
Sa pakighinabi sa RMN Davao kang Duran matud niini wala niya maagwanta ang makaluluoy nga gidangatan sa maong hayop nga gipatay ug giingong gipulutan pa sa ilahang mga silingan.
“I saw the dog na nakahiga nalang hindi na siya makatayo kasi binato siya ng bato. I saw the dog na nakatingin pa sa akin tapos sinusunog na nila, sabi ko bawal iyan ipapakulong ko sila pero ayaw nilang tumigil doon ko na kinunan ng video, umiinom kasi iyon sila,” matud niini.
Gibutyag ni Duran nga ang rason matud pa nganong gipatay ang nasangpit nga iro kay gidulaan niini ang manok sa suspek.
Sumala niini nga nangusog gayod siya nga ireport kini sa Talomo PNP tungod kay tiguwang na ang ug walay kapasidad ang tag-iya sa gipatay nga iro apan human nga nakamatikod ang mga suspek niikyas kini.
Samtang Segun ni Talomo PNP station commander P/Chief Insp. Ronald Lao nga nagpahigayon sila karon og imbestigasyon ubos sa ilahang Animal Welfare Desk kalabot sa maong insidente.
“Ato pa-file-an ni og kaso ni aron makakuha ta’g warrant kay animal cruelty ni unya violation ni siya kay ingon ka’g gisugba’g buhi,” matud ni Lao.
Gikapungot sa Animal Rescue Rehabilitation & Fostering ARRF – Davao, Inc. ang brutal nga pagpatay sa maong hayop.
Sumala ni ARRF Davao ug Senior Animal Welfare advocate Marites Batacan nga andam silang iasister sa legal nga aspeto ang complainant aron mahatagan lamang og hustisya ang gidabdabang iro.
RadyoMaN Aimee Guinita
