Davao City – All systems go na ang seguridad nga gi-andam sa Public safety and Security Command Center (PSSCC) alang sa umaabot nga Alveo Ironman 70.3 nga mahinayon dinhi sa syudad sa Davao karong Marso 24.
Gikanayon ni PSSCC Deputy head Angel Sumagaysay nga gipresentar na sa nahitabong coordination meeting kaniadtong adlaw’ng Martes ngadto sa ilang mga kauban nga units ug offices ang security plan alang sa maong aktibidad.
“Kulang na lang ng fine tuning and by (March) 20 mag final security meeting na kami,” segun niini.
Dugang ni Sumagaysay nga sa andam na usab ang logistics alang sa bike, swim ug run courses diin aduna usab hugot nga koordinasyon sa mga organizers ug Local Government Units (LGUs).
Gawas niini andam na usab ang security plan alang sa umaabot nga Semana Santa diin kinahanglan na lang coordination meeting sa nagkadaiyang sector lakip ang simbahan.
Sa tibuok bulan sa Marso, anaa sa 1,182 ka mga personahe ang i-deploy matag adlaw sa awtoridad aron mapaniguro nga mamintinar ang kahapsay ug kalinaw dinhi sa syudad.
RadyoMaN Jason Amisola
