Isa ang patay kag isa ang pilason sa nagluntad nga aksidente sa Diversion Road sa Dungon B, Jaro mga alas 9:45 kagab-i sa tunga sang motorsiklo kag closed van..
Ginkilala ang napatay nga si Jane mar Alcalde, 21 anyos , pumuluyo sang San Miguel, Iloilo.
Samtang ang pilason ginkilala kay Geoffrey Mariano, 30 anyos sang Janipaan olo, Cabatuan, Iloilo kag amo ang driver sang motorsiklo.
Ginpahayag nga nagabiyahe ang motorsiklo nga ginasakyan sang mga biktima sang nag-overtake ang closed van nga ginapanag-iyahan sang San Paolo Ice plant kon sa diin nasag-iran sini ang motorsiklo.
Bangud sini natumba ang motorsiklo nga gintunaan sang pagkahulog sang backrider nga si Alcalde kag ginsagnoy sang van.
Dali-dali nga gindala sa Western Visayas Medical Center ang biktima apang gindeklarar nga dead on arrival.
