ISA KA 21 ANYOS TAGBUNO UG NAMATAY SA SURIGAO CITY
Tagkilaya an biktima na si Valerio Ballescas Gorillo alias Baloy, 21 anyos, ulitawo, estudyante ug residente sa Purok 2, Brgy. Sabang 3, Surigao City.
Sa inisyal na imbestigasyon ug sumbong nan kaibanan nan biktima na isa ka Joenard Bangonon Zape, kaiban sila nan ila mga amigo an nagpanaw sa may dayan Borromeo, pag-abot atubangan sa isa ka Jewelry Store, may laing grupo sa waya kilay-i na mga layaki an nagpaabot ug sa wayay igong rason isa sa mga supek na nagtabon sa ija nawong nan panapton an kalit na tagbuno si Gorillo na miigo sa tunga na bahin sa dubdub. gamit sa pagpamuno an isa ka sundangay.
Human sa krimen, midayagan dajon palajo an suspek kaiban an grupo niini samtang si Gorillo an tagdali pagdaya sa Caraga Regional Hospital hinoon pipila ka oras an milabay an nabakwian ini sa kinabuhi. Sa pagkakuman, nagpadajon an imbestigasyon nan mga otoridad para sa paghanap, pagkilaya ug pagdakop sa suspek.
