MGA SAKOP SA NPA WAYA PA MOKONTAK SA SURIGAO DEL NORTE CRISIS MANAGEMENT COMMITTEE
Human an isa ka semana sa pagdagit nan tagtuohang New People’s Army (NPA) sa duha ka pulis na sila ni PO2 John Paul M. Doverte ug PO2 Alfredo L. Degamon Jr. sa Brgy. Bad-as,Placer, Surigao del Norte waya pay tawag o demand gikan sa rebeldeng grupo.
Namahayag si Atty. Premolito Plaza, an Spokesman nan Prov’l. Crisis Management Committee nagpaabot pa sila sa pagkontak nan NPA. Gani lokal an mamahimong negosasyon pinaagi sa Municipal Crisis Management Committee na nakabase sa Placer.
Dugang pa, may ila na napili na negosyador sa personalidad ni Fr. Mario Espanio kaiban an mga Pastor pero andam sila na modawat sa lain pang grupo o magsilbi na 3rd party negotiator para mapadali an pagbuhi sa duha ka pulis.
