Isa ka Rudy Dawisan na taga Brgy Trinidad, an nagpatabang sa RMN Surigao human nabiktima nan mga kawatan samtang nagkaon sa isa ka restaurant atbang sa may tiangihan sa dayan San Nicolas inin syudad kagaina alas 11:45 sa udto . Sumaya pa ni Dawisan na human sija mikaon sa may Gold Ribonnette gibilin nija ija sling bag sa lamesa sanan midalikyat sa CR kay mangihi pero pagbalik an waya na an ija bag .Nadaya sa mga kawatan an mga importante nija na mga butang lakip id og kwarta. Igo rakan sa pagbagutbot an tiguyang sanan nangajo na lamang nan tabang na makauli sa barangay Trinidad kay ya namay ikapliti..Nahibaw-an sa imbestigasyon sa pagtan aw sa CCTV Cam na duha ka waya hikilay-i na mga suspetsado an mikuha sa ija bag na nagpakaron- ingnon isab na kustomer sa amo na establisemento. Pahimangno pa nan mga otoridad na di gajud kakumpyansahan an mga pampublikong lugar sa ini na klase na mga modus amu na kinahanglan magbantay àn tagsa tagsa kon jaun sila sa mga restaurants o mga kan-anan kay ini an sagad na lugar na istambayan nan amu na mga suspetsado.
