Isa Ka Barangay Sa Hinigaran Posibli Indi Madayon Ang Piniliay Bangod Sa Pagbayluhanay Sang Balota

Hinigaran, Negros Occidental- Daku ang posibilidad nga mapostpone ang piniliay sa Barangay Palayog, banwa sang Hinigaran. Ini matapos nga nagbayluhanay ang balota nga para sa Barangay Palayog sa balota sang Barangay Pinanag-an, Borongan City, Samar.Suno kay Provincial Election Supervisor Ian Lee Ananoria wala naman sila sang tiempo nga magahiwat sang election buwas bangod nagakinahanglan pa ini sang desisyon sang Comelec en banc. Una na nga nag-abot ang helicopter sang Philippine Army para kuhaon ang balota sa Barangay Palayog apang wala pa sang kasiguraduhan nga matigayon ang binutuhay bangod magasarado na ini las singko sini nga hapon.