Isa ka British cyclist, ginlibot ang kalibutan sa sulod sang 78 ka adlaw pinaagi sa pagbisikleta

Sa Paris France – Pinasahi nga hashtag travel goals ang ginpakita sang isa ka british cyclist sa paglibot niya sa bug-os nga kalibutan gamit ang iya bisikleta sa sulod lamang sang 78 ka adlaw.

Ini bangud natapos sining karon lang ni Mark Beaumont ang iya pinasahi nga round trip nga gin-umpisahan niya sadtong Hulyo 2 sa Paris.

Ginsug-alaw ni Anna Orford sang Guinness World Record si Beaumont sa finish line sa Arc de Triomphe sa Paris, France kaupod ang pamilya kag mga kaabyanan sini.

Si Mark Beaumont na ang opisyal nga pinakauna nga nag-circumnavigate ukon naglibot sa bug-os nga kalibutan sa sulod lamang sang 78 ka adlaw gamit ang bisikleta.