Uwa nadayon do dapat kunta nga pagpanukot it parking fee sa Kalibo International Airport ko adlaw it Miyerkules petsa Setyembre 20, 2017.
Suno sa ging paguwa nga anunsyo it pamunuan ko Civil Aviation Authority of the Philippines (CAAP) do implementasyon it Authority Order No. 140- 14 hay gin differed anay nanda.
Daya hay para mataw-an pagid it nagakaigo nga oras para sa preparasyon kara kung siin uwa pa sanda nagtao it insakto nga petsa kung hin-uno eon gid daya nga e-implement.
Nagpangako man do KIA nga magapaguwa sanda it notice agod nga maging aware do tanan sa raya nga Authority Order kung hin-uno maumpisahan.
Matandaan nga dayang kasuguan hay ging anunsyo bago pa ro buean it Setyembre santo sa AO nga may petsang June 14, 2014 kung siin magasukot do CAAP it 20pesos para sa sang oras hasta daywang oras nga parking fee ag additional 10 pesos sa maga sobra sa nasambit nga oras.
