Roxas City, Capiz- Arestado ang isa ka persona sa ginkasa nga buy bust operation sang mga katapo sang Provincial Drug Enforcement Unit(PDEU) sang Capiz PPO sa Brgy Milibili syudad sang Roxas, alas 5:50 kahapon sang hapon.
Natigayon nga marekober sa subject person nga si JunRose Gricalda y Lim, 29-anyos sang Urban Milibili ang duha ka sachet sang suspected shabu, 500 pesos nga marked money, pouch, tooter, bundle sang plastic sachet nga posible ginagamit sa repacking, digital weighing scale kag cellphone nga ginapanag-iyahan sini.
Nahibaluan nga una na nga nadakpan paagi sa buy bust ang amo nga persona apang nag-avail lamang sang plea bargaining agreement.
Magapangatubang ini sang kaso nga paglapas sa RA 9165 ukon Comprehensive Dangerous Drugs Act Of 2002.
📷RadyoMaN Rolly Delfin
