Roxas City, Capiz- Arestado ang 39-anyos nga si Noeh Bituon y Altoveros sang Brgy Tanque Ilaya matapos nga ini ang ginpaidalom sa buy bust operation sa Costa Verde Subdivision Brgy Cagay pasado alas 5 sang hapon.
Natigayon nga marekober sa subject person ang kabilogan nga 49 tanan ka sachet sang suspected shabu, 500 pesos nga marked money, 120 pesos nga cash kag motorsiklo sini nga ginasakyan.
Ang amo nga persona ang una na nga nadakpan sang tuig 2017 kag ini ang nahilway lamang pinaagi sa plea bargaining agreement sang Enero 2018.
Ang amo nga operasyon ang ginkasa sang mga katapo sang Provincial Drug Enforcement Unit(PDEU) sang Capiz PPO.
Hugot naman nga ginpanginwala sang suspek nga sa iya naghalin ang amo nga mga items.
Ginsiling sini nga naga-obra siya sang ila poluy-an sang gintawgan lamang siya sang isa ka kilala nga may yara ang mga ini nga kadtuan.
Emosyonal naman ang pamilya sang suspek lakip ang mga kabataan sini matapos nga madakpan nag ila amay.
