Isa ka drug surrenderer, dakop sa buy bust operation sa Pueblo de Panay!

166

Roxas City, Capiz – Arestado kahapon sang hapon sa Pueblo de Panay ang 38-anyos nga persona sa ginkasa nga buy bust operation sang mga katapo sang PDEA- Capiz kag Provincial Drug Enforcement Unit(PDEU) sang Capiz PPO.
Natigayon nga marekober sa subject person nga ginkilala kay Julius Tacuyan Andama ang apat ka suspected sachet sang shabu nga ginabanta nagabug-at sang 15 gramos kag may estimated street value nga nagalab-ot sa P102, 000 pesos.
Nakuha man sa iya paghinakop ang lima ka plastic transparent sachets nga may residue sang suspected shabu, duha ka panid sang 500 peso bills bilang buy-bust money, isa ka unit sang cellphone, coin purse, sling bag kag isa ka motorsiklo.
Ang amu nga persona ang magapangatubang sang kaso nga paglapas sa Sections 5 kag 11 sang Article II sang Republic Act 9165 ukon Comprehensive Dangerous Drugs Act of 2002.
photo(c)- PDEA- Capiz

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers