Roxas City, Capiz- Arestado ang 28 anyos nga lalaki sa ginkasa nga buy bust operation sa isa ka lodge sa Brgy Baybay syudad sang Roxas.
Ginkilala ang subject person kay Josefino Bacalangco Jr y Luna, residente sang Brgy Barra syudad sang Roxas.
Narekober sa iya posisyon ang kabug osan nga 20 tanan ka sachet sang suspected shabu sa diin anum ka sachet diri ang wala pa mapudpod, P1, 000 pesos nga buy bust money, digital weighing scale, tooter, P1, 141 pesos nga cash, cellphone, cellphone, gunting, sling bag, aluminum foil, lighter kag motorsiklo sini nga ginagamit.
Suno sa hepe sang Provincial Drug Enforcement Unit(PDEU) nga si Police Lt Mark Anthony Garcia, ginabanta nagalab ot sa P60, 000 pesos ang street value sang narekober nga shabu.
Una na nga nadakpan ang amo nga persona sang tuig-2017 apang ini ang naka-avail sang plea bargaining agreement kabangdanan nga nakaguha.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amo nga persona.
