Pontevedra, Capiz – Palamangkutanon subong sa isa ka ginang ang indi kinaangdan nga hitsura sang ginbakal sini nga isda nga hasa-hasa sa merkado sa banwa sang Pontevedra.
Ini matapos nga indi matudlan sang kutsilyo sang iya ginhiwa ang amu nga isda.
Nadumdoman sini ang video nga nag-viral sa social media nga Facebook nga tuman kahunit nga panit sang isda kag ginapatihan nga may yara sang presensya sang formalin.
Ginsiling pa sini nga kasubong may yara sang plastic ang amo nga isda kun sa diin indi dali-dali nga matudlan sang kutsilyo kag tuman ka hunit kun ini ang hiwaon.
Samtang ang amu nga isda ang gindala sang news team sa Provincial Agriculturist Office agud ini ang mapaidalom sa nagakaigo nga test.
Facebook Comments
