Priso sa Molo Police Station ang isa ka lalaki matapos mabaklan sang illegal nga druga sa ginhiwat nga buy bust operation sang Molo PNP.
Ginkilala ang subject nga si John Paul Timagos sang Bo. Obrero, Lapuz.
Suno kay Police Major Engelbert Banquillo, hepe sang Molo PNP nga ila gin-transaksyon pinaagi sa poseur buyer ang suspek kon sa diin makapila ka beses nga nagbaylo-baylo sang lugar tubtub nga nakumbenser ang subject sa Tanza Baybay.
Nabaklan ini sang isa ka sachet sang suspected shabu sa balor nga 2,100 pesos kag nakuhaan sang dugang nga apat ka sachet sang elongated sachet sang suspected shabu nga ginabanta nagabalor tanan sang 10 mil pesos.
Suno kay Banquillo nga ila gin-transact ang suspek matapos naguwa ang ngalan sini nga nagabaligya sang illegal nga druga sa area sang Molo.
