Sunod-sunod nga buy bust operation ang ginlunsar sang kapulisan sa Probinsya sang Iloilo nga nagresulta sa pagka-aresto sang mga subject.
Una nga naarestot sa buy bust operation sa banwa sang Dingle, Iloilo mga alas-2 kahapon sang hapon ang subject nga si Anthony Trabado alyas Negra, 29 anyos sang barangay Batuan, Pototan.
Nabaklan ini sang isa ka sachet sang suspected shabu sa balor nga 1,000 pesos kag nakuhaan pa gid sang dugang nga tatlo ka sachet sang shabu sa iya posisyon.
Detain na karon sa Dingle Police station ang nasambit nga subject.
Samtang mga alas 4 kahapon sang hapon, dakop man ang mag-live in partner nga nagabaligya sang shabu sa banwa sang Pototan, Iloilo.
Suno kay Police Staff Sgt. Raffy Gonzales sang Pototan PNP nga una nila nga na-transaction ang lalaki nga subject nga si Bryan Rex Balleza, 25 anyos sang Barangay Cawayan, Pototan apang gintudlo sini ang kapulisan nga kuhaon ang druga sa iya live-in partner sa barangay Catoogan , Pototan.
Bangud sini, pareho nga naaresto ang nasambit nga mag-live in nga nabaklan sang duha ka sachet sang suspected shabu sa balor nga 1,000 pesos kag nakuhaan pa gid sang 16 tanan ka sachet nga ginabanta nagabalor tanan sang 100,000 pesos.
Priso naman sa Pototan Police Station ang mga subject nga nagapangatubang sang kaso sa paglapas sa RA 9165.
