Patay ang isa ka lalaki matapos maigo nsang kilat samtang nagapamunit sa baybayon sang barangay Maninila, Miag-ao, Iloilo alas 4 kaina sang hapon.
Ginkilala ang biktima nga si Hilario Hildad, 42 anyos sang nasambit man nga barangay.
Ginpahayag ni Police Chief Inspector Nolan Perante, hepe sang Miag-ao PNP, mabaskog ang ulan kaina sang hapon kag sige ang pangilat samtang nagapamunit ang biktima upod sa duha pa ka iban.
Bangud sini, disgrasya nga naigo sang kilat si Hildad kag gindala pa sa ospital apang wala na matabangan sang mga doktor.
Samtang, wala naman sang malain nga natabu sa duha sini ka mga kaupdanan.(sspunay)
Facebook Comments
