Tagkilaya an biktima na si Pedrito Ga Altizen, 41 anyos, residente sa Purok 9, Hubasan, Brgy. Mat-I, Surigao City.
Gamit sa pagpamuno an isa ka kitchen knife na miigo sa tiyan niini ganinang alas 6:30 sa buntag ug miresulta sa hinanali na kamatayon niini.
An suspek an tagtudlo na si Axcel John Pael Galgo, 18 anyos, anak sa live-in partner nan biktima. Mitumaw na an suspek an nakit-an na tagkulata ug tagtuok an ija inahan ni Altizen, jaon ini sa impluwensiya sa ilimnong makahubog sa milabay 3 ka adlaw na. Adisir pa an pagbuno, si Altizen an mihulga sa live-in partner na patyon ug supsupon an utok.
Human nahimo an krimen, an suspek na si Galgo an boluntaryo na mi-surrender ngadto kan Brgy. Kapitan Reynaldo Olvis ug kan SP04 Godfrey Reyna. Ini tagtakda sang-atan nan kasong homicide.
