Dao, Capiz- Patay ang 17-anyos nga menor de edad matapos ginbuno sang 16-anyos nga menor de edad nga suspek sa Brgy Agtambi, Dao, Capiz. Nag-angkon sang madamo nga pilas sa lawas ang grade-12 student nga biktima nga gindeklarar nga dead-on-arrival sang gindangat sa Dao District Hospital. Ginsiling sang hepe sang Dao PNP nga si Police Captain Efren Yuing nga mga alas 8:50 sang gab-i sang ginbantayan sang biktima ang suspek nga sakay sa motorsiklo kag ginkomprontar ini bangud sa pagpangimon. Apang naggabot sang kutsilyo ang suspek kag hinali nga ginbuno ang amo nga biktima sa nagkatuhay nga parti sang lawas. Ginapahayag nga ang selos ukon pagpangimon ang rason sang insidente. Yara na subong sa kustodiya sang DSWD ang menor de edad nga suspek.
