Isa ka katapo sang New Peoples Army ang napatay kag pito naman ang nadakpkan kag yara sa kustodiya sang Philippine Army kasunod sang engkwentro nga nagluntad sa Sitio Anoy, Barangay Babalaunan sa banwa sang Miagao, Iloilo sang Sabado sang aga.
Suno kay Lt. Col. Joel Benedict Batara, Commanding Officer sang 61st Infantry Battalion, narekober sang ila tropa ang bangkay sang isa ka lalaki nga ginasuspetsahan katapo sang New Peoples Army (NPA) sa lugar sang engkwentro.
Dugang pa sini nga pito ka miyembro sang rebelde ang natigayun nila nga ma-capture kasunod sang nagluntad nga engkwentro alas- 10:20 Sabado sang aga kag narekober man ang pila ka subersibo nga dukomento sang mga rebelde.
Nauna sini nagpatigayun sang combat operation ang tropa sang gobyerno sa ginakabig nga training area sang NPA sa lugar.
Indi magnubo sa 40 miembro sang Suyak Platoon, sang Southern front, Komiteng Rehiyon Panay ang naka- engkwentro sang mga suldado.
