Roxas City, Capiz – Isa ka persona ang nadakpan sa ginkasa nga buy bust operation sa sulod sang sementeryo sa Brgy Banica, Roxas City.
Ginkilala ang drug suspect kay Erizaldo Villaruz 40-anyos sang Punta Tabuc Roxas City kun sa diin narekober sa iya ang walo ka sachet sang suspected shabu, 500 pesos nga buy bust money, cellphone kag disposable lighter.
Ang amu nga operasyon ang ginpatigayon sang mga katapo sang Provincial Drug Enforcement Unit(PDEU) sang Capiz PPO.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang nasambitan nga persona.
Facebook Comments
