Tapaz, Capiz- Patay ang 21-anyos nga lalaki sang ini ang ginluthang pasado alas 10 sang aga samtang nagalakat sa Brgy Roxas banwa sang Tapaz.
Ginkilala ang biktima kay Nico Gregorio y Gallenero, 21-anyos ang pang-edaron sang Brgy Agpalali, Tapaz sa diin ini ang nag-angkon sang patal nga pilas sa sulok-sulok, likod kag iban nga parte sang lawas.
Pagtimalos ang isa sa mga motibo nga ginasunod ang kapulisan sa krimen.
Nahibaluan base sa imbestigasyon sang kapulisan, nagalakat ang biktima pauli sa Brgy Agpalali, Tapaz sang ini ang ginbalabagan sang duha ka nakatabon sang nawong nga suspek kag ini ang ginluthang.
Narekober sa lugar sang ginluntaran sang insidente ang duha ka baseyo sang 12-gauge shotgun.
Facebook Comments
