Tapaz, Capiz – Pilason kag padayon nga ginabulong sa Western Visayas Medical Center ang isa ka persona nga nabun-an sang kasumpong sa sugal nga tong-its sa Brgy Roxas Tapaz Capiz mga ala 1:30 sang kaaganhon.
Nag-angkon sang buno sa iya abaga ang biktima nga ginkilala kay Rondeli Tupaz y Armentia, 26-anyos sang Brgy Mabini Tapaz Capiz.
Base sa imbestigasyon sang Tapaz PNP, una nga nag-hambal sang “draw” ang amo nga biktima nga ginsundan sang paggabot snag suspek nga si Raymund Gardose y Enil, 30-anyos sang Brgy Agpalali Tapaz sang ginasukbit nga kutsilyo kag binuno ang biktima.
Sa subong padayon pa nga atlarge ang nasambitan nga suspetsado matapos nga nagpalagyo makaligad nga makomiter ang krimen.
Facebook Comments
