Roxas City, Capiz – Wala na sang kabuhi sang nasapwan ang isa ka persona samtang ini nagahigda sa baroto sa Purok 3 Brgy Libas Roxas City.
Ginkilala ang biktima kay Jovito Jurilla Jr., 63-anyos ang pang-edaron sang Masbate apang sa Brgy Libas na temporaryo nga nagapuyo kag naga-upod sa sakayan-pandagat.
Ginpahayag sang utod sini nga si Sorinda Royo, masami nga naga-inom ang utod sini kaupod ang mga kakilala.
Suno naman kay Barry Padilla nga tag-iya sang sakayan-pandagat nga gina-updan sang biktima, ginkakibot nila sang ginpadulongan kuntani ang baroto nga ginatineran sang biktima agud ini ang hambalan nga mag-ekstra sa isa pa gid ka sakayan apang didto nadiskubrehan ang iya bangkay.
Ginpaidalom na sa post-mortem examination ang bangkay sang biktima.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
