Roxas City, Capiz- Arestado ang isa ka persona nga tuyo magpalusot sang ‘peke’ nga vouchers sa ‘Double Your Money’ investment sa syudad sang Roxas.
Yara subong nakahunong sa karsel sang Roxas City PNP ang suspek nga nakilala kay JOHN PAUL ALIANZA y BARROGA, residente sang Barangay Tanza, Roxas City.
Narekober sa iya posisyon ang apat (4) tanan ka mga vouchers nga na-imprintahan sang nagkatuhay nga mga kantidad kag nakapangalan sa pila ka mga persona.
Nakuha man sa iya posisyon ang personal sini nga kwarta nga nagabalor sang P13, 000 pesos.
Samtang ginahibalo pa sang mga otoridad kun paano na-peke sang amo nga persona ang mga vouchers nga nagabalor sang P710, 000 pesos; P360, 000 pesos; P700, 000 pesos kag P230, 000 pesos.
Gina imbestigahan man dugang kun sanday sin-o ang kaupod sini sa amo nga modos.
Suno sa pahayag sang suspek, ginlihug ini sang isa ka persona nga i-palusot ang amu nga mga vouchers kabaylo sang suhol nga P10, 000 pesos kun ini ang man-cash na.
