Roxas City, Capiz- Patay ang 39-anyos nga lalaki matapos nga nagbunggo ang ginasakyan sini nga motorsiklo sa isa ka salakyan(Mitsubishi Mirage) sa highway sa Barangay Cagay, siyudad sang Roxas.
Ginkilala ang biktima kay Roy Espiritu y Escubio, pomuluyo sang Barangay Ilas Sur, Dao, Capiz.
Suno sa imbestigasyon sang traffic section sang Roxas City PNP, ginasubay sang driver sang salakyan nga si Juliet Carcedo, 38-anyos sang Barangay Liong, Roxas City ang karsada padulong sa city proper sang nasugata ang motorsiklo nga ginamaneho ni Espiritu nga nagaekis-ekis padulong sa iya linya kabangdanan sang pagkabunggo sa nauna nga porsyon sang salakyan.
Patal nga pilas sa ulo ang naangkon snag biktima nga si Espiritu sa diin ini ang gindala sa Roxas Memorial Provincial Hospital apang gindeklarar sang doktor nga dead-on-arrival.
Samtang gin-hosp[ital arrest anay si Carcedo matapos ini ang nag-angkon man snag paglain sang pamatyag.
