Isa ka persona, patay sa rambol sa Brgy Intongcan banwa sang Pontevedra!

Pontevedra, Capiz- Wala gid matabangan ang isa ka membro sang BPAT sa Brgy Intongcan sa banwa sang Pontevedra matapos ini ang ginpulihan sa natabo nga rambol mga alas 9:20 sang gab-i sa amu nga barangay.
Ginkilala ang biktima kay Melchor De Juan y Esturnino, 46- anyos ang pang-edaron sang nasambitan nga lugar kun sa diin nag-angkon sang pilas sa iya tiyan tuga sang buno, pilas sa ulo tuga sang bakbak sang tubo kag igo sang armasluthang.
Samtang ginatudlo naman nga mga suspek amu ang mag-utod nga sanday Jhonny Aguihap kag Sulpicio Aguihap nga lunsay pilason kag subong ang padayon ginabulong sa ospital.
Suno sa inisyal nga imbestigasyon sang kapulisan, nagresponde gid lamang ang grupo sang mga BPATs nga ginapamunoan ni Melchor De Juan matapos nga nagpangayo sang bulig si Rene Bacolinao makaligad ini ang ginbanggan sang grupo sang mga Aguihap.
Ini ang ginsundan sang rambol sa diin nabatian na gid lamang sang mga residente ang lupok sang pusil.
Padayon pa sa subong ang tul-id nga imbestigasyon sang mga kapulisan.

Facebook Comments