Isa ka persona, pilason matapos nabun-an sa Barangay Lapaz, Jamindan!

Jamindan, Capiz – Pilas nga likod nga porsyon sang lawas ang naangkon sang 30-anyos nga biktima matapos ini ang ginbuno sang kaupod sa pag-inom alas 10:40 sang aga sa Sitio Malagna, Barangay Lapaz, Jamindan.
Ang biktima ang nakilala kay Leny Galagate y Dela Cruz, residente sang nasambitan nga barangay.
Suno sa Jamindan PNP, magkaupod ang biktima nga nagainum sa poluy-an ni Josmar Degala sang nag-abot ang suspek nga si Mario Pundar y Farenas, 45-anyos ang pang-edaron.
Nahibaluan nga may yara na sang indi paghangpanay sa tunga sang duha matapos nga sang nakaligad nga mga inadlaw gindapal sang biktima ang suspek kag ginapatihan ini ang rason nga nagtimalos.
Matapos ang insidente, dali-dali naman nga gindala sang mga katapo sang Jamindan Response Unit(JRU) ang biktima padulong sa Mambusao District Hospital samtang ang suspek ang boluntaryo nga nag surrender sa kapitan sang Barangay Lapaz.
📷 | Jamindan MDRRMO

Facebook Comments