Personal grudge ang nakit-an nga rason ni Warden Juan Lansaderas kon ngaa ginbuno sang isa ka preso ang kapareho niya man nga bilanggo sa South Cotabato Provincial Jail pasado alas 9:40 kagaina sang aga, Nobyembre 2, 2017.
Gamit sang suspek sa pagbuno ang isa ka improvised deadly weapon nga himo sa kabilya.
Suno kay Warden Lansaderas bag-o pa man natabo ang insidente ginabully kag ginapahog sang biktima ang suspek rason nga posible suno pa naimpito ini amo nga nahimo ang krimen.
Ginkilala ang biktima nga si Sandy Dela Cruz Lauron nagapangatubang sang kaso nga carnapping, samtang ang suspek ang ginkilala naman kay Ramil Oriola Zapra, may kaso nga pagbayolar sa RA 9165.
Sa subong padayon nga ginapaidalom sa medikasyon sa South Cotabato Provincial Hospital ang preso nga biktima matapos nga makaangkon sang tatlo ka pilas sang pagpamuno.
Nation naman ang nasambit nga insidente sa dalaw day subong nga adlaw, apang suno kay Lansaderas wala suno pa ini naapektuhan.
May-angot sini ginpapapanaugan sang nagakaigo nga pinalidad ang nasambit nga inmate kag posible magapangatubang man sang dugang nga kaso.
