Patay ang isa ka preso sang South Cotabato Provincial Jail, matapos nga magkomitir sang suicide sa diin nadiskubrihan ini pasado alas 2:00 subong nga hapon.
Ginkilala ni Warden Juan Lansaderas ang nasambit nga preso kay Jestoni Padilla, 23-anyos, residente sang Punong Grande, Banga, South Cotabato, may kaso nga murder kag tatlo na ka tuig sa nasambit nga Rehabilitation and Detention Center.
Gamit suno pa sini sa pagkomitir sang suicide ang tie box nga ginhigot sa CR sa likod nga bahin sang simbahan sa compound sang Provincial Jail.
Nahibaluan nga nakaggwa sa selda ang nasambit nga preso tungod adlaw sang ila nga simba kagaina sang aga.
Base naman sa ila nga pagpangusisa suno kay Warden Lansaderas ang rason sa pagkomitir sang suicide sang preso ang tungod sa nabaton nga impormasyon halin sa iya tatay nga magapakasal sa iban nga lalaki ang iya live –in partner.
Dugang pa nga nabilanggo ang nasambit nga persona tungod nakapatay man ini , matapos nahibaluan nga may kaagaw ini sa iya nga live-in partner.
May-angot sini, nagapati sila suno sa Warden nga wala sang foul play sa nasambit nga insidente.
Apela naman sini sa mga himata sang mga preso nga maghinay-hinay palab-ot sang impormasyon sa mga ini ilabi na kon indi makapaayo sa ila ukon negatibo.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
