ISA KA PULIS, NAGAPABILIN NGA MISSING SA PAGKULOB SANG MOTORBANCA NGA ILA GINASAKYAN AGUD MAGDUL-ONG SANG RELIEF GOODS SA MGA ISLA SA CALUYA, ANTIQUE.

Nagapabilin nga missing ang isa ka pulis nga kalakip sa sakay sang MB Habana nga nagkulob sa kadagatan sang Caluya, Antique kaina sang aga.

Padayon nga ginapangita sang search and rescue teams si Police Corporal Mark Anthony Alejandro.

Natigayon naman nga marescue ang mga kaupod ni Alejandro sa sakayan nga sanday Patrolman Allan Sabado kag Police Staff Sgt. Albert Francisco; kag subong man ang mga miyembro sang Coast guard nga sanday Kim Dayalo kag Jerald Ligan.

Nagkulob ang ginasakyan nila nga motorbanca nga may karga nga relief goods mga alas 8 kaina sang aga samtang nagabiyahe padulong sa island barangays sang Caluya, Antique agud magdul-ong sang relief goods sa pagpanguna ni Caluya Mayor Regil Lim.