Roxas City, Capiz- Isa ka resolusyon ang gin-aprobahan sang provincial board sang Capiz nga nagakilala kay Most Reverend Jose F. Advincula sang Archdiocese of Capiz matapos ini ang gin-appoint ni Pope Francis bilang isa ka cardinal.
Ang nasambit nga resolusyon ang gin-author mismo ni Vice Governor James “Mitang” Magbanua, kaupod si Board Member Thea Faith T. Reyes.
Sa matandaan si Cardinal Advincula ang napilian sang Vatican bilang isa sa 13 ka mga newly appointed cardinals sadtong nakaligad nga Oktubre 25, 2020.
Matapos nga ma-appoint, si Cardinal Advincula ang magapangalagad bilang katapo sang Sacred College of Cardinals, sa diin kalakip sa iya mga katungdanan ang pagpili ukon pagboto sa masunod nga mangin Santo Papa, principal counselor sang Santo Papa, kag pagbulig sa pagdumala sa Romano Katoliko nga Simbahan sa bug-os nga kalibutan.
via | Ara Si Mitang FB page
