Roxas City, Capiz – Isa ka traysikol ang ginpangkuhaan sang mga parti samtang naka-park sa corner Mabini kag Bilbao Street sakop sang Brgy Inzo, Roxas City.
Suno sa tag-iya nga si Nazel Aragon, ginkakibot na gid lamang nila sang nadiskubrehan nga wala na sang bangko, tangke, karburador kag CDI ang topdown nga Kawasaki Barako nga na-park sa bakante nga lote.
Sa subong, ginatinguhaan pa sang mga otoridad nga makakuha sang CCTV footage sa mga kaiping nga establisemento kag agud nga mahibaluan ang identity sang mga suspek.
Nahibaluan nga walo ka bulan na gid lamang ang nabilin sa balayran sang traysikol agud ini kuntani ang maimpas.
Facebook Comments
