Isa na ang narekord nga patay sa balatian nga tipdas base sa datos sang Provincial Epidemiology Surveillance Unit sang South Cotabato kag ang biktima ang 4-anyos nga halin naman sa banwa sang Polomolok.
Suno kay Dr. Rogelio Aturdido Jr., Provincial Health Officer sang South Cotabato napatay ang bata tungod sa komplikasyon kag wala pa napaidalom sa measles vaccination.
Ginaadvice niya man nga ipadayon gid ang breastfeeding sa mga bata nga wala pa nabakuhan batok tipdas nga yara sa edad nga anum tubtob siyam ka bulan tungod makabulig ini agud mabakod ang immune system sang mga bata.
Sa subong ang nagapatigayon pa lang sang house-house measles vaccination suno sa iya ang sa banwa sang Polomolok tungod sa latest nga datos sang talatapan nga yara na sa 42 ka kaso kadam-an ang halin sa nasambit nga banwa.
Apang nagpaggwa naman sang advisory ang iya pamunuan suno kay Dr. Aturdido nga magpatigayon man sang house to house measles vaccination.
Ini matapos nga base sa datos sang talatapan ang may-yara na sang kaso sang tipdas amo ang banwa sang Polomolok nga may mataas nga biktima,, Koronadal City, Norala Tampakan, Banga kag Surallah.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
