Patay ang driver sang motorsiklo, samtang pilason naman ang backrider sini sa nagluntad nga disgrasya sa dalanon sa Prk. San Isidro Brgy. Pagalungan Polomolok, South Cotabato, alas 10:11 sang gab-i sang Nobyembre 9, 2021.
Sa imbestigasyon sang Polomolok MPS, sakay sa Yamaha Mio motorcycle ang mga biktima nga ginkilala kanday John Henry Dechaves Urbano, 39 years old, driver kag Ernesto Gregorio Jagolino, 46-anyos, pareho residente sang Prk 4, Brgy. Sulit, Polomolok.
Halin suno pa sa Brgy. Poblacion padulong sa Brgy. Sulit sa nasambit nga banwa ang mga biktima sang pag-abot sa natabuan sang insidente nakabunggo ang motorsiklo sini sa road barriers nga ginbutang sang Polomolok Water District nga may nagapadayon nga road project.
Nakaangkon ang mga biktima sang seryoso nga pilas nga gilayon nga gindala sa Polomolok Municipal Hospital, apang ang driver nga si John Henry Urbano ang gindeklarar nga dead on arrival.
