ISA PATAY ISA PILASON SA NAGLUNTAD NGA PAGPANGLUTHANG

Koronadal City-Patay ang isa ka 16anyos nga bata samtang pilason naman ang isa sa nagluntad nga pagpangluthang sa Sitio Narra, Brgy Ned, Lake Sebu, South Cotabato pasado alas dyes kagab-i.
Gilayon nga ginbawian sang kabuhi si Carem Alejo, 16anyos bangud sa naangkon nga igo sa iya kalawasan samtang pilas sa lawas ang naangkon ni Ricky Alejo, 45anyos pareho residente sang nasambit nga lugar.
Samtang tigayon nga gindala ang pilason nga biktima sa Sitio Tinugas, Brgy Ned Medical Center, apang gindala naman ang bangkay sang napatay nga biktima sa ila sini puluy-an.
Sa subong wala pa sang nagakaigo nga impormasyon ang Lake Sebu MPS bahin sa insidente bangud wala pa ka balik ang imbestigagador sa rason nga masyado suno pa kalayo ang lugar kag ginalauman nga subong nga hapon pa kabalik.
padayon pa ang ginahimo nga imbestigasyon sang Lake Sebu MPS para kilalahon ang suspek kag kun ano ang motibo sa insidente.
Kasamang Gary Lumawag