Isa patay, isa pilason sa shooting incident sa Barangay 16

BACOLOD CITY – Madamo nga igo sang bala ang naagom sang biktima nga si Harold Tornilla alias Bongbong, 38 anyos ang edad, residente sang Prk. Adarna, Brgy 16, Bacolod City matapos nga ini ang gintiro sang riding-in-tandem pasado las 9 kagab-i sa Prk. Kingfisher, Brgy. 16.

Nag-angkon sang madamo nga igo sang bala sang .45 calibre nga armas ang biktima, samtang padayon naman nga ginabulong ang isa nga nasalabat nga si Jessie Lamparero, 26 anyos nga may igo naman sang bala sa iya paa.

Ginatudlo nga suspek nga nagtiro sa mga biktima amo ang duha ka tawo nga sakay sa motorsiklo.


Ginalantaw nga druga ang rasun sang kremin sa diin may report nga si Harold ang isa man ka drug personality sang barangay.

Facebook Comments