Isa patay, sa bunggoanay sang aluminum van kag motorsiklo sa banwa sang Dao!

Dao, Capiz – Ginbawian sang kabuhi ang isa ka persona matapos nga nasanggit sang aluminum van ang ginasakyan sini nga motorsiklo sa Brgy Nasunogan banwa sang Dao, alas 9 sang gab-i.
Ginkilala ang napatay kay John Rex Requisa, 28-anyos ang pang-edaron sang Brgy Quinayuya, Dao, Capiz. Ini ang nag-angkon sang patal nga pilas sa lawas makaligad nagtabog sa ginasakyan nga motorsiklo.
Base sa inisyal nga imbestigasyon sang Dao PNP, ginasubay sang biktima ang highway padulong sa Sigma sang ini ang aksidente nga nasanggit sang aluminum van nga ginamaneho ni Inigo Apan y Olidan, 52- anyos sang San Juan City.

Facebook Comments