Pormal nang mulingkod karong adlawa ang mga bag-ong napiling opisyal kaniadtong nakalabay nga May 13, 2019 national and local election.
Kini langkuban sa mga bag-ong napiling opisyales gikan sa national ug local positions.
Sa interview sa RMN Malaybalay ngadto kang Cabanglasan, Bukidnon Mayor Renante Inocando gitimbaya niini ang mga bag-ong napiling opisyal sa pormal nga paglingkod sa mga opisyales nga pinili sa katawhan.
Nangayo usab kini ug pasabot sa mga tawong apektado sa gipatuman nga kabag-ohan ilabina sa lungsod sa Cabanglasan.
Aminado usab si Mayor Inocando nga adunay mga apektado sa lay-off ilabina Job Order sa iyang lungsod.
Depensa niini nga dili kini kalikayan ang maong nga pamaagi tungod kay adunay mga JO nga taod-taod na nga nagserbisyo nga angayang itugyan sa bag-ong mga tawo aron makasulay sa pagpanarbaho sa gobyerno.
Samtang nasayran nga dinhi sa siyudad Malaybalay mukabat sa halos 70% kay JO ang apektado sa lay-off.
