Isa patay,isa isab an missing sa pagkalunod!

1405

Patay na sa did on nakit-an an lawas sa isa ka 63 anyos na mag uuma human mitabok sa suba tunga-tunga sa makusog na pag uyan resulta sa bagyong Chedeng kahapon na adlaw sa may alas kwatro y media sa hapon. An biktima na nakit an na naglutaw lutaw na kagaina sajo sa buntag alas 6:30 didto sa Subang Daan River sa Matin-ao,Mainit SDN amu si Ricardo Dahilan,isa ka mag uuma na taga Sta. Cruz Plaxer,SDN.sanan an missing nija na apo na hangtud kuman yapa igkita amu si Rolex Dahilan,6 anyos an edad. Sumaya pa sa report na nakuha gikan sa Mainit Municipal Police Station na isa ka report an ila nadawat kagaina buntag na may naglutaw lutaw na patayng lawas sa tawo didto sa amu na suba.Nahibaw an sa imbestigasyon nan mga otoridad na an biktima iban sa ija pamilya an mitabok sa Mayag River,Cantugas,Mainit,SDN kagahapon sanan tungod sa kakusog nan uyan sanan current (suyog)nan suba resulta sa pagka anod nan mga biktima og nalunod rason na hangtud kuman yapa igkita an sais anyos na bata.Padajon pa isab tagpangita sa mga otoridad an namissing na bata.(RadyoMaN Jerson Fuentes)

Facebook Comments