Ginsalakay sang Philippine Drug Enforcement Agency (PDEA) ang isa ka balay nga ginhimo warehouse sang iligal nga droga sa isa ka exclusive subdivision sa Muntinlupa City, kagab-i, Marso 19.
Suno kay PDEA Dir. Gen. Aaron Aquino, naglab-ot sa 1.1 billion pesos ang balor sang 166 kilo sang shabu nga ila nakumpiskar sa isa ka balay sa Ayala Alabang Village.
Naaresto man sa operasyon ang apat ka Chinese nationals.
Suno kay Aquino, ginapatihan nga ang mga narekober nga shabu ang naghalin sa grupo nga Golden Triangle Region bangud pareho ang pagputos diri sa una na nakumpiskar sa mga pungsod Malaysia, Thailand kag Vietnam.
(pctto)
Facebook Comments
