Isa sa mga missing sa pagka-anod sa suba sa Purok Abkasa nasawayan na sang iya amay sa una nga pagpadulong sa lugar

116

Ginpaandaman na sang iya mga ginikanan ang isa sa mga na-missing matapos naanod sa suba sa Purok Abkasa, Brgy. Mandalagan, Bacolod kahapon.Sa interview sang DYHB kay Arlyn Pahilagao, iloy ni Jaren Pahilagao, 15-anyos nga isa sa mga na-missing matapos naanod sang tubig, ginpahayag sini nga sang nagligad nga Sabado, naligo na sa amo nga suba ang biktima kag ila ini ginsaway nga indi na magbalik bangud delikado.


Apang suno sa iloy, ginlita lang sang ila bata ang paandam sang iya amay kag wala ini nagpahibalo nga nagpaligo naman sa suba kahapon. Suno kay Arlyn, las-11:00 kahapon sang aga ulihi niya nga nakita si Jaren bangud naglakat siya para sa iya trabaho.

Samtang, ginpahayag man sa DYHB sang lola ni Nica Harder nga isa sa mga survivors nga, ginsaway na sini ang iya apo nga indi magkadto sa amo nga suba. Suno sa lola, nagpaandam gid siya sa apo bangud nahibaluan sini ang plano nga mag (selfie-selfie) lang sa lugar.

Nahibaluan nga sa karun ginapangita pa ang duha ka missing nga sanday Jaren kag Carl Cabrillos, 17-anyos. Suno pa sa lola, posible nga nagsakay sa traysikol ang mga biktima padulong sa Purok Abkasa bangud malayo naman ini sa ila puluy-an sa Purok Santol, Mandalagan.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments