Mandaluyong City – Sugatan ang isang ginang matapos saksakin ng kaniyang mister sa Mandaluyong City.
Sa ulat, unang nagtalo ang mag-asawang sina Herman at Nelia sa kanilang bahay kung saan biglang bumunot ng ice pick ang mister saka nito sinaksak sa likod ang misis.
Nagising naman ang kanilang anak na si Christine at inawat ang dalawa saka nito hinugot ang ice pick na nakabaon sa likuran ng kaniyang nanay.
Pero, tinangka pa ni Herman na saksakin uli ang asawa gamit ang screw driver subalit napigilan ito ng kanyang anak at dito na siya humingi ng tulong sa mga kapitbahay para madakip ang ama.
Mabilis itinakbo sa ospital ang sugatang ginang habang todo hingi ng tawad ang mister na nasa loob na ng kulungan.
Facebook Comments
