Naaresto na ng Manila Police District o MPD Station 11 ang isang lalaki na kabilang sa kanilang Drug Watch List sa Binondo, Maynila.
Nakilala ang suspek na si Rodel Mamaradlo, 40-anyos at residente ng Soler Street sa Binondo.
Nabatid na ikinasa ng MPD Station 11 ang operasyon laban kay Mamaradlo at sa mga kasabwat nito sa may Delpan Street malapit sa kanto ng San Nicolas Street sa may Brgy. 286 Zone 26.
Pero tanging ang suspek lang na si Mamaradlo ang naaresto at hindi natiyempuhan ang mga kasama nito sa pagbebenta ng iligal na droga.
Nakuha sa kaniya ang limang maliliit na sachet ng shabu na may bigat ng .25 grams at nagkakahalaga ng P1,700.00.
Sa ngayon, patuloy na pinaghahanap ng pulisya ang mga kasabwat nito na sinasabing nagtutulak ng iligal na droga mula sa Maynila at sa kalapit na siyudad.
